Адамның рухани жаңаруы, тазаруы – Жүсіпбек Аймауытовтың шы­ғармаларына тән тақырып.
«Қартқожа» романындағы Қартқожаны жазушы бірден озық идея­­лы қаһарман етіп жібермей, қоғамдағы теңсіздікті, жоқшылық­ты, әділетсіздікті көріп өскен, өмір талқысына түскен оны сабақ ала отырғызып, біртіндеп көзін ашады. Ел үшін күйген, оқуға, білімге деген құштарлық Қартқожаны біртіндеп саналы күреске бет бұрғы­за­ды. Автордың халықтық ойлары Қартқожа бейнесі арқылы өрбіп, дамиды.
Қазақ қызының өз теңдігін қорғаудағы үлкен жеңісін «Күні­кей­дің жазығы» повесі шынайы, тартымды етіп баяндайды. Ха­лық­­тың сол кездегі салт-дәстүрлері, жастардың ойын-сауық ұйым­дас­ты­руы, көш, қыз ұзату сияқты тұрмыс-тіршілігі оқырманды кейде күлдіреді, кейде ойға қалдырады...
Кітап жалпы орта білім беретін мектеп, гимназия, лицейлердің оқушыларына, жоғары оқу орындарына түсетін талапкерлерге, студенттерге, жалпы көпшілік оқырманға арналады.