«Жасөспірімдер кітапханасы» сериясымен шығатын Мұхтар Әуезовтің бұл жинағына байырғы қазақ ауылындағы әлеуметтік теңсіздік, әділетсіздік, озбырлық туралы адамдар арасындағы қым-қиғаш қайшылық, әйел басындағы ауыр хал, айықпас мұң, қайғы хақында жазылған шығармалары енгізілді. 
Өгейлік, өктемдік құрбаны болған қорғансыздар тағдыры бейнеленетін «Көксерек», «Қараш-қараш оқиғасы», «Қорғансыздың күні, «Оқыған азамат», «Қыр суреттері», «Қыр әңгімелері», «Үйлену», «Сөніп-жану», «Кім кінәлі?», «Ескілік көлеңкесінде», «Жетім», «Барымта», «Кінәмшіл бойжеткен», «Жуандық», «Үш күн» деген әң­гімелердің тақырыбы ортақ, сюжеті желілес. Осынау зәбір көргендер мен жапа шеккендер қанаушылар қиянатына қанша ашынғанмен оларға қарсы бел шешіп күресе алмайды; бас кейіпкердің бәрі дерлік өз қарсыластарымен батыл тіктесе алмай, көбіне құлап түседі, өздерін құрбандыққа береді...