Сәбит Мұқановтың бұл кітабына жазушының «Балуан Шо­лақ» романы мен «Бақташының баласы» повесі және бірқа­тар әңгімелері енгізіліп отыр. 
Шығарма негізіне күрес, тартыс жолдарының баяндалуын­да қазақ өмірінің өзіне ғана тән суреттерінің молдығы, қаһар­ман­дар арасындағы тартыстың желісі «Балуан Шолақты» қазақ әдебиетінің елеулі туындылары қатарына қосады. Қуғыннан қашып құтылмақ болған Нұрмағанбет – Балуан Шолақ әрекеті осыған дәлел. Қазақ әдебиетінде роман жанрын жетілдіріп, қалыптастыруда С.Мұқановтың еңбегі үлкен.
Әңгімелеріндегі оқиғалардың өмір шындығынан алынуы шы­ғарманың тәрбиелік мәнін арттырады. Ауылды кеңестендіру, байлардың жерін, мал-мүлкін кәмпескелеу, ескі идеологияны таратушылармен күрес, әйел теңдігі үшін үгіт, елді оқуға, білімге шақыру сияқты сан түрлі тақырып – оның әр жанрда­ғы шығармаларында көрініс береді.